Áhættumat

Skrifleg áætlun um öryggi og heilbrigði á vinnustað

Samkvæmt lögum um aðbúnað, hollustuhætti og öryggi á vinnustöðum (46/1980) ber atvinnurekandi ábyrgð á að gerð sé skrifleg áætlun um öryggi og heilbrigði á vinnustað. Áætlunin skal meðal annars fela í sér:

• Áhættumat
• Áætlun um heilsuvernd
• Eftirfylgni

Við gerð áhættumats eru eftirfarandi þættir skoðaðir:

• Álag á hreyfi- og stoðkerfi
• Félagslegur og andlegur aðbúnaður (samskipti, upplýsingaflæði, tímaþröng, streita, einelti o.s.frv.)
• Umhverfisþættir (hiti, kuldi, raki, hávaði, lýsing og birtuskilyrði, titringur, dragsúgur, ryk, smitleiðir o.fl.)
• Efni og notkun hættulegra efna á vinnustað
• Vélar og tæki

Áætlun um heilsuvernd
Atvinnurekandi ber ábyrgð á að gerð sé áætlun um heilsuvernd sem byggð er á áhættumati þar sem meðal annars kemur fram áætlun um forvarnir, þar á meðal um aðgerðir sem grípa þarf til í því skyni að draga úr atvinnutengdum sjúkdómum og slysum. Áætlunin á að gefa gott yfirlit yfir áhættu- og álagsþætti sem auðveldar markvisst starf og tryggir betri árangur. Áætlun um forvarnir skal byggja á niðurstöðum áhættumats.

Eftirfylgni
Þessi þáttur er í höndum vinnustaðarins og samkomulagsatriði við hvert fyrirtæki fyrir sig.

Aðkoma Vinnuverndar
Vinnuvernd er viðurkenndur þjónustuaðili Vinnueftirlits ríkisins sem veitir heildstæða þjónustu
á sviði öryggis og heilbrigðis á vinnustöðum.

Vinnuvernd hefur annast:


• Áhættumat fyrir fyrirtæki
• Námskeið um framkvæmd áhættumats (t.d. fyrir öryggisnefnd,
  stjórnendur og aðra starfsmenn)
• Ráðgjöf við gerð áhættumats í fyrirtækjum

Við lítum svo á að til þess að áhættumat skili jákvæðum breytingum og
þekkingu inn í fyrirtæki sé mikilvægt að virkja bæði starfsmenn og
stjórnendur til þátttöku í áhættumatinu.