Vinnustaðaúttekt
Góð líkamsbeiting er mikilvæg fyrir vellíðan í vinnu. Við sinnum úttektum á vinnuaðstæðum með kerfisbundinni athugun. Blandað er saman greiningu á vinnuaðstæðum og verkferlum, fræðslu til starfsfólks og ráðgjöf til stjórnenda. Við höfum aðstoðað fyrirtæki á flestum sviðum atvinnulífsins hvort sem um ræðir skrifstofurými eða iðnaðar- og framleiðslustörf.
Vinnustaðarúttekt getur aðstoðað þinn vinnustað að bæta heilsu, fækka fjarvistum og auka afköst starfsmanna.
Hér fyrir neðan er hægt að skoða nánari lýsingar á nokkrum af þeim verkefnum sem Vinnuvernd hefur unnið að með vinnustöðum.
![](/web/image/10367-2dba36f8/Myndir%20fyrir%20heimas%C3%AD%C3%B0u%20og%20augl%C3%BDsingar%20%2815%29.png)
Skrifstofur
Kyrrsetustörf auka hættuna á ýmsum stoðkerfiskvillum sem hafa áhrif á líðan okkar og framleiðni í starfi. Við bjóðum upp á fræðsluerindi og úttektir á vinnustöðvum starfsmanna sem og ráðgjöf til stjórnenda. Horft er til mögulegra úrbóta sem og nýtingu þess aðbúnaðar sem til staðar er.
![](/web/image/10371-2372f019/Myndir%20fyrir%20heimas%C3%AD%C3%B0u%20og%20augl%C3%BDsingar%20%2816%29.png)
Iðn- & framleiðsla
Líkamlega erfið verkefni geta haft mikil áhrif á líðan okkar til lengri tíma og skemmri tíma. Því er mikilvægt að hafa í huga góða líkamsbeitingu, æskilega verkferla og að skapa menningu fyrir notkun léttibúnaðar þar sem við á. Við framkvæmum mat á líkamlegu álagi í iðn- og framleiðslustörfum. Við útfærum verkefnin eftir ykkar þörfum og starfsemi.
![](/web/image/10369-76551d37/Myndir%20fyrir%20heimas%C3%AD%C3%B0u%20og%20augl%C3%BDsingar%20%2817%29.png)
Hávaði & lýsing
Lýsing og hljóðvist eru mikilvægir þættir fyrir gott vinnumhverfi. Við bjóðum upp á mælingar og mat á starfsstöðvum vinnustaða. Ólíkar þarfir eftir ólíkum verkefnum.
![](/web/image/10372-83870ca9/Myndir%20fyrir%20heimas%C3%AD%C3%B0u%20og%20augl%C3%BDsingar%20%2818%29.png)
Breytingaráðgjöf
Við bjóðum upp á ráðgjöf og aðstoð fyrir vinnustaði sem vilja breyta vinnuaðstæðum eða verkferlum. Áhersla er lögð á líkamlegt álag starfsfólks. Mikilvægt er að vellíðan starfsfólks og viðmót viðskiptavina fari saman. Við sinnum ráðgjöf fyrir iðn- og framleiðslustöf sem og skrifstofurými.
Áhættumat á vinnustöðum
Áhættumat auðveldar markvisst vinnuverndarstarf og tryggir betri árangur og öryggi. Við hjá Vinnuvernd erum viðurkenndur þjónustuaðili Vinnueftirlits ríkisins. Við veitum heildstæða þjónustu á sviði öryggis og heilbrigðis á vinnustöðum.
Samkvæmt lögum um aðbúnað, hollustuhætti og öryggi á vinnustöðum (46/1980) ber atvinnurekandi ábyrgð á að gerð sé skrifleg áætlun um öryggi og heilbrigði á vinnustaða. Við sinnum gerð áhættumats fyrir vinnustaði, og leggjum áherslu á stoðkerfi, andlegan aðbúnað, umhverfisþætti, notkun hættulegra efna, véla og tækja.
![](/web/image/10368-5da36116/Myndir%20fyrir%20heimas%C3%AD%C3%B0u%20og%20augl%C3%BDsingar%20%2814%29.png)
Áhættumat
Vel unnið áhættumat er mikilvægt til að bæta öryggi og vellíðan á þínum vinnustað.
Við sinnum gerð áhættumats fyrir vinnustaði, og leggjum áherslu á stoðkerfi, andlegan aðbúnað, umhverfisþætti, notkun hættulegra efna, véla og tækja.
![](/web/image/10370-13ce7984/Myndir%20fyrir%20heimas%C3%AD%C3%B0u%20og%20augl%C3%BDsingar%20%2819%29.png)
Ráðgjöf
Vönduð vinna við gerð áhættumats er mikilvæg til að ná árangri.
Við getum aðstoðað þig og veitt ráðgjöf við útfærslur tiltekins efnis eða með áhættumatið í heild, ef þú ert nú þegar að vinna að áhættumati á þínum vinnustað.