Námskeiðslýsingar
Námskeiðið byggist á fjórum grunnskrefum skyndihjálpar ásamt því að farið er yfir slys og bráð veikindi. Farið er yfir mikilvægi þess að fyrstu viðbrögð séu unnin eftir réttri röð og hvert skref fyrir sig sé framkvæmt af þekkingu. Farið er yfir verklega grunnendurlífgun, hjartahnoð ásamt notkun sjálfvirkra hjartastuðtækja.
- Lengd námskeiðs – 2 klst
Ítarlegt námskeið þar sem farið er yfir efni grunnámskeiðs, að viðbættri sálrænni skyndihjálp með sérstakri áherslu á viðbrögð við slysum og bráðum veikindum. Farið er yfir verklega grunnendurlífgun, hjartahnoð ásamt notkun sjálfvirkra hjartastuðtækja.
- Lengd námskeiðs – 3 klst
Fyrirlesarar
Aðalbjörg M. Agnarsdóttir,
Hjúkrunarfræðingur
Aðalbjörg hóf nám í Danmörku árið 2010 og lauk B.Sc í hjúkrunarfræði úr háskólanum í Álaborg árið 2013. Hún starfaði á Álaborgarsjúkrahúsi á Taugaskurðdeild og Eyrna-, nef- og hálsskurðdeild árið 2014-2016. Meðfram starfi sínu sótti hún um norskt hjúkrunarleyfi og fór reglulega í vinnutúra til Noregs og vann á mismunandi hjúkrunarheimilum í Þrándheimi. Aðalbjörg vann þrjú sumur á Hrafnistu dvalarheimili fyrir aldraða. Aðalbjörg flytur heim til Íslands 2016 og fer að vinna á Heila,tauga og bæklunarskurðdeild á LSH. Haustið 2017 sækir Aðalbjörg um hjá Vinnuvernd og hefur í starfi sínu sinnt heilsufarsmælingum í fyrirtækjum, flugskoðunum, mygluskimunum ásamt bólusetningu. Aðalbjörg sérhæfir sig í fræðslu um skyndihjálp hjá Vinnuvernd og hefur sótt ILS námskeið hjá Rauða Kross Íslands.
Björg Jakobína Þráinsdóttir,
Hjúkrunarfræðingur
Jakobína útskrifaðist með B.Sc gráðu í hjúkrun frá Háskóla Íslands árið 2013. Með námi starfaði hún á bæklunardeild LSH-B5. Jakobína hefur starfað hjá Vinnuvernd frá 2013. Hún sinnir margvíslegum heilsufarsskoðunum,fræðslu, skýrslugerð, skyndihjálp ofl. Árið 2022 sótti hún námskeið í sérhæfðri endurlífgun I(Immediate Life Support-ILS) á vegum endulífgunarráðs evrópu(ERC). Jakobína hefur umsjón með fjarvistarsíma Vinnuverndar þar sem starfsfólk fyrirtækja skráir veikindi og fær ráðgjöf. Á árunum 1995-2007 var hún eigandi og framkvæmdarstjóri fyrirtækis í smásölu og veit því vel hve mikilvægt er að huga vel að sínu starfsfólki.
Guðríður Þorgeirsdóttir,
Hjúkrunarfræðingur / Ljósmóðir
Guðríður útskrifaðist sem hjúkrunarfræðingur frá Háskóla Íslands árið 2010 og starfaði með náminu á Taugalækningadeild Landspítalans. Árið 2012 hóf hún nám í Ljósmóðurfræði og útskrifaðist sem Ljósmóðir frá Háskóla Íslands árið 2014. Í kjölfar ljósmæðranámsins starfaði Guðríður á Vökudeild Barnaspítala Hringsins til ársins 2021 þegar hún ákvað að venda kvæði sínu í kross og hefja störf hjá Vinnuvernd. Guðríður sinnir heilsufarseftirliti af margvíslegum toga ásamt því að sinna ýmiss konar fræðslu. Guðríður hefur óþreytandi áhuga á heilsueflandi nálgun til þess að hámarka lífsgæði einstaklingsins.
Heiða B. Magnúsdóttir,
Hjúkrunarfræðingur (á Akureyri)
Heiðrún Sigurjónsdóttir,
Hjúkrunarfræðingur
Heiðrún útskrifaðist sem hjúkrunarfræðingur frá Háskóla íslands árið 2007 en einnig er hún með diplómanám í skurðhjúkrun frá Háskóla Íslands. Heiðrún hefur unnið á bráðamóttökunni í Fossvogi og einnig á skurðstofum bæði á Landspítalanum og á Rigshospitalet í Kaupmannahöfn. Hún hóf störf hjá Vinnuvernd í ágúst 2022 og sinnir meðal annars heilsufarsskoðunum, bólusetningum, kennir skyndihjálp auk ýmis konar fræðslu. Heiðrún hefur mikinn áhuga á að bæta heilbrigði og auka vellíðan á vinnustöðum.
Sólveig Guðmundsdóttir,
Hjúkrunarfræðingur
Sólveig er hjúkrunarfræðingur sem hefur starfað hjá Vinnuvernd síðan febrúar 2018. Áður starfaði hún sem hjúkrunarfræðingur á Krabbameinslækningadeild LSH, þar var hún tengiliður sýkingarvarnadeildar og fjölskylduhjúkrunar við deildina. Hjá Vinnuvernd sinnir hún m.a. heilsufarsskoðunum, bólusetningum og kennir skyndihjálp. Sólveig hefur lokið leiðbeinendanámskeiði í skyndihjálp hjá Rauða Krossi Íslands og heldur utanum skyndihjálparteymi Vinnuverndar. Í starfi brennur Sólveig fyrir bættu heilbrigði og vellíðan á vinnustað.
Sólveig Halldórsdóttir,
Hjúkrunarfræðingur / Umhverfis- & auðlindafræðingur
Sólveig útskrifaðist frá Háskóla Íslands sem hjúkrunarfræðingur árið 2013. Eftir útskrift lá leið hennar til Landsspítalans þar sem hún starfað á Hjartagátt Landspítala, bráðamóttöku Landspítala og við heimahjúkrun. Hún er einnig með meistaragráðu í Umhverfis- og auðlindafræði og hefur brennandi áhuga á umhverfismálum. Sólveig hóf störf hjá Vinnuvernd janúar 2021 og sinna heilsufarsmati og skyndihjálparkennslu.
Umsagnir
Helgi Laxdal Helgason
VHE
"Þátttakendur okkar á námskeiðinu voru 71 einstaklingar og erum við mjög ánægð með fagmennskuna og gleðina sem fylgdi Aðalbjörgu og Heiðrúnu".
María Karavevskaya
Lífeyrissjóður Verslunarmanna
“Bæði námskeiðin voru mjög vel heppnuð. Öflugir og skemmtilegir fyrirlesarar með mikla reynslu og þekkingu komu efninu vel frá sér og voru allir mjög ánægðir með námskeiðin.”