Magnús Böðvarsson, 

Stjórnarformaður & eigandi

Magnús Böðvarsson er sérfræðilæknir með sérhæfingu sem lyflæknir og nýrnasérfræðingur. Hann er búsettur í Svíþjóð og vinnur þar við lækningar en sinnir tilfallandi verkefnum fyrir Vinnuvernd. Magnús er einn af stofnendum og eigendum Vinnuverndar og hefur setið í stjórn frá stofnun fyrirtækisins. ​ Hann útskrifaðist úr Læknadeild HÍ 1976 en þaðan lá leiðin í sérfræðingsnám í almennum Lyflækningum og Nýrnasjúkdómum í Bandaríkjunum. Magnús hefur starfað sem Nýrnalæknir síðan 1986 bæði við Landspítala, Ríkisspítalann í Kaupmannahöfn, Karolinska (Huddinge), SÅS í Borås í Svíþjóð og einnig Central Sjukhuset Kristianstað sem yfirlæknir síðan febrúar 2012. Þá hef hann leyst af sem lyflæknir á sjúkrahúsinu í Vestmannaeyjum síðan 1990 og starfað við trúnaðarlækningar síðan 1985. 

Atli Einarsson, 

Meðstjórnandi & eigandi

Atli er sérfræðilæknir í hjartasjúkdómum en hann er einnig með réttindi sem fluglæknir (Aeromedical Examiner) og yfirlæknir fluglæknaseturs Vinnuverndar. Hann er einnig viðurkenndur sjómannalæknir hjá Samgöngustofu.
Hann hefur starfað sem ráðgefandi læknir fjölmargra fyrirtækja auk þess að sinna starfstengdum heilbrigðisskoðunum.
Atli er einn af eigendum Vinnuverndar og setið í stjórn  frá stofnun fyrirtækisins.

Þorvaldur Magnússon, 

Meðstjórnandi & eigandi

Þorvaldur er sérfræðilæknir með sérhæfingu sem lyflæknir og nýrnasérfræðingur ásamt því að vera með réttindi sem fluglæknir (Aeromedical Examiner)  Hann er einnig viðurkenndur sjómannalæknir hjá Samgöngustofu.
Hann hefur starfað sem ráðgefandi læknir fjölmargra fyrirtækja sem trúnaðarlæknir auk þess að sinna starfstengdum heilbrigðisskoðunum.
Þorvaldur er einn af eigendum Vinnuverndar og setið í stjórn  frá stofnun fyrirtækisins.

Helgi Guðbergsson, 

Meðstjórnandi & eigandi

​ Helgi er sérfræðingur í atvinnu- og umhverfissjúkdómum og hefur starfað í Finnlandi, Svíþjóð og á Íslandi m.a. á Heilsuverndarstöðinni og hjá Vinnuvernd. Hann stundaði kennslu í heilbrigðisfræði, faraldursfræði og eiturefnafræði í HÍ um árabil. Hann vann á annan áratug við tóbaksvarnir og hefur unnið við greiningu atvinnu- og umhverfissjúkdóma, mat á tjóni af slysum og sjúklingatryggingaratvikum. Helgi hefur langa reynslu af vinnu við bólusetningar og aðra heilsuvernd vegna ferðalaga og hefur umsjón með Ferðavernd Vinnuverndar.

Valgeir Sigurðsson, 

Meðstjórnandi & eigandi

Valgeir er sjúkraþjálfari að mennt og var framkvæmdastjóri Vinnuverndar frá upphafi til desember 2023.  Óhætt er að segja að Valgeir sé einn reynslumesti sérfræðingur landsins á sviði vinnuverndar en hann hefur sinnt fjölbreyttir ráðgjöf í tengslum við öryggi og heilbrigði við fjölmarga vinnustaði í yfir 20 ár. 
Í dag er rekstur og þróun Vinnuverndar ehf. megin viðfangsefnið en Valgeir kemur að einstökum ráðgjafaverkefnum með samstarfsfólki sínu.  Valgeir er einn af eigendum Gáska og situr í stjórn Gáska og Vinnuverndar.

Aðalbjörg M. Agnarsdóttir, 

Hjúkrunarfræðingur

​Aðalbjörg hóf nám í Danmörku árið 2010 og lauk B.Sc í hjúkrunarfræði úr háskólanum í Álaborg árið 2013. Hún starfaði á Álaborgarsjúkrahúsi á Taugaskurðdeild og Eyrna-, nef- og hálsskurðdeild árið 2014-2016. Meðfram starfi sínu sótti hún um norskt hjúkrunarleyfi og fór reglulega í vinnutúra til Noregs og vann á mismunandi hjúkrunarheimilum í Þrándheimi. Aðalbjörg vann þrjú sumur á Hrafnistu dvalarheimili fyrir aldraða. Aðalbjörg flytur heim til Íslands 2016 og fer að vinna á Heila,tauga og bæklunarskurðdeild á LSH. Haustið 2017 sækir Aðalbjörg um hjá Vinnuvernd og hefur í starfi sínu sinnt heilsufarsmælingum í fyrirtækjum, flugskoðunum, mygluskimunum ásamt bólusetningu. Aðalbjörg sérhæfir sig í fræðslu um skyndihjálp hjá Vinnuvernd og hefur sótt ILS námskeið hjá Rauða Kross Íslands.

Björg Jakobína Þráinsdóttir,

Fagstjóri fjarvistarskráningar, Hjúkrunarfræðingur

Jakobína útskrifaðist með B.Sc gráðu í hjúkrun frá Háskóla Íslands árið 2013. Með námi starfaði hún á bæklunardeild LSH-B5. Jakobína hefur starfað hjá Vinnuvernd frá 2013. Hún sinnir margvíslegum heilsufarsskoðunum,fræðslu, skýrslugerð, skyndihjálp ofl. Árið 2022 sótti hún námskeið í sérhæfðri endurlífgun I(Immediate Life Support-ILS) á vegum endulífgunarráðs evrópu(ERC). Jakobína hefur umsjón með fjarvistarsíma Vinnuverndar þar sem starfsfólk fyrirtækja skráir veikindi og fær ráðgjöf. Á árunum 1995-2007 var hún eigandi og framkvæmdarstjóri fyrirtækis í smásölu og veit því vel hve mikilvægt er að huga vel að sínu starfsfólki.

Elva Rut Jónsdóttir, 

Fagstjóri bólusetninga, Hjúkrunarfræðingur

Elva útskrifaðist með B.Sc gráðu í hjúkrunarfræðum frá  Háskóla Íslands árið 2005. Þaðan lá leið hennar til Lund í Svíþjóð þar sem hún kláraði meistaranám með áherslu á sérmenntun í heilsugæsluhjúkrun árið 2011. Hún hefur áður starfað á hjartadeild LSH og á heilsugæslu hérlendis og í Svíþjóð. Elva hefur starfað hjá Vinnuvernd síðan 2016 og sinnir meðal annars heilsufarsmælingum, fjarvistaskráningu ásamt því að hafa umsjón með bólusetningum í tengslum við ferðalög eða atvinnu. 

Edda Ýrr Einarsdóttir, 

Hjúkrunarfræðingur

​Edda Ýrr útskrifaðist með B.Sc. gráðu í hjúkrunarfræði frá Háskóla Íslands árið 2014. Að námi loknu hóf hún störf á hjartadeild þar sem hún lauk m.a. þjálfun í sérhæfðri endurlífgun og starfaði þar með hléum til 2018. Hún starfaði einnig sem flugfreyja 2015-2020 og gerðist meðlimur bakvarðarsveit hjúkrunarfræðinga á COVID tímum. Árið 2023 hóf Edda Ýrr störf hjá Vinnuvernd og sinnir hún m.a. heilsufarsskoðunum, skyndihjálparnámskeiðum og bólusetningum.  Edda Ýrr býr á Álftanesi ásamt eiginmanni og fjórum börnum. Hún brennur fyrir lýðheilsu og í dag stundar hún meistaranám í lýðheilsuvísindum við Háskóla Íslands samhliða starfi.

Guðríður Þorgeirsdóttir, 

Sviðsstjóri heilbrigðissviðs, Hjúkrunarfræðingur / Ljósmóðir

Guðríður útskrifaðist sem hjúkrunarfræðingur frá Háskóla Íslands árið 2010 og starfaði með náminu á Taugalækningadeild Landspítalans. Árið 2012 hóf hún nám í Ljósmóðurfræði og útskrifaðist sem Ljósmóðir frá Háskóla Íslands árið 2014. Í kjölfar ljósmæðranámsins starfaði Guðríður á Vökudeild Barnaspítala Hringsins til ársins 2021 þegar hún ákvað að venda kvæði sínu í kross og hefja störf hjá Vinnuvernd. Guðríður sinnir heilsufarseftirliti af margvíslegum toga ásamt því að sinna ýmiss konar fræðslu. Guðríður hefur óþreytandi áhuga á heilsueflandi nálgun til þess að hámarka lífsgæði einstaklingsins.

Heiðrún Sigurjónsdóttir, 

Hjúkrunarfræðingur

​Heiðrún útskrifaðist sem hjúkrunarfræðingur frá Háskóla íslands árið 2007 en einnig er hún með diplómanám í skurðhjúkrun frá Háskóla Íslands. Heiðrún hefur unnið á bráðamóttökunni í Fossvogi og einnig á skurðstofum bæði á Landspítalanum og á Rigshospitalet í Kaupmannahöfn. Hún hóf störf hjá Vinnuvernd í ágúst 2022 og sinnir meðal annars heilsufarsskoðunum, bólusetningum, kennir skyndihjálp auk ýmis konar fræðslu. Heiðrún hefur mikinn áhuga á að bæta heilbrigði og auka vellíðan á vinnustöðum. 

Sólveig Guðmundsdóttir,

Sviðsstjóri heilbrigðisssviðs, Hjúkrunarfræðingur

Sólveig er hjúkrunarfræðingur sem hefur starfað hjá Vinnuvernd síðan í febrúar 2018. Áður starfaði hún sem hjúkrunarfræðingur á Krabbameinslækningadeild Landspítala, þar sem hún sinnti jafnframt hlutverki tengiliðar við sýkingarvarnadeild og fjölskylduhjúkrun innan deildarinnar.

Í febrúar 2026 lauk Sólveig meistaraprófi í forystu og stjórnun með áherslu á mannauðsstjórnun. Hún gegnir stöðu sviðsstjóra heilbrigðissviðs hjá Vinnuvernd, þar ber hún ábyrgð á faglegri þróun sviðsins ásamt skipulagningu og framþróun þjónustunnar. Hún kemur að gerð og eftirfylgni þjónustusamninga, vinnur að mannauðsmálum og hefur umsjón með skipulagningu verkefna innan sviðsins.

Í starfi sínu sinnir Sólveig meðal annars heilsufarsskoðunum og kennslu í skyndihjálp. Hún hefur lokið leiðbeinendanámskeiði í skyndihjálp hjá Rauða krossi Íslands.

Sólveig hefur brennandi áhuga á að efla heilbrigði og vellíðan á vinnustöðum og leggur ríka áherslu á fagmennsku og heildræna nálgun í þjónustu við viðskiptavini.

María Hrönn Björgvinsdóttir,

Hjúkrunarfræðingur

María Hrönn útksrifaðist úr Háskóla Íslands með b.s. gráðu í hjúkrunarfræði árið 2009. Hún starfaði fyrst á lungnadeild en færði sig síðan yfir á gjörgæsludeildina í Fossvogi þar sem hún starfaði frá 2007-2024. Hún hefur sótt fjölda námskeiða, m.a. ALS (Advanced Life Support) og EPILS (European Peadiatric Immediate Life Support). Samhliða starfi lauk hún einnig diploma í sölu- og markaðsfræðum frá Promennt.  Árið 2024 ákvað María Hrönn að venda kvæði sínu í kross og hóf störf hjá Vinnuvernd þar sem megin áhersla hennar er lýðheilsa og heilbrigði starfsfólks á vinnustöðum. 

Sandra Sif Sigurjónsdóttir,

Hjúkrunarfræðingur

Sandra útskrifaðist með B.Sc gráðu í hjúkrunarfræði úr Háskólanum á Akureyri árið 2015. Með náminu starfaði hún m.a. á taugalækningadeild Landspítalans og gerði það til ársins 2016 en þá færði hún sig yfir á HSS í Keflavík í 2 ár. Þaðan lá leið hennar á Akureyri þar sem hún fékk starf á bráðamóttöku Sjúkrahússins á Akureyri í eitt ár en frá árinu 2019 hefur hún unnið í heimahjúkrun á Akureyri sem almennur hjúkrunarfræðingur og teymisstjóri. Hún hefur einnig lokið diplóma gráðu í stjórnun á heilbrigðisvísindasviði ásamt endurlífgunarnámskeiðum. Sandra hóf störf hjá Vinnuvernd 2025 og er starfandi hjúkrunarfræðingur á Akureyri og nærliggjandi sveitarfélögum. Þar sinnir hún m.a. heilsufarsmælingum og bólusetningum.

Þóra Guðmundsdóttir, 

Hjúkrunarfræðingur

Þóra útskrifaðist sem Hjúkrunarfræðingur frá Háskóla Íslands árið 1995. Hún vann samhliða námi og eftir útskrift sem hjúkrunarfræðingur á smitsjúkdóma-og krabbameinsdeild á Landspítalanum í 10 ár. Eftir það lá leið hennar til Noregs og vann hún á Buskerud sentralsykehus en einnig tók hún að sér stundakennslu við hjúkrunardeild í Högskolen í Buskerud. 4 síðustu árin í Noregi vann hún í samskonar þjónustufyrirtæki og Vinnuvernd. 

Er heim var komið 2012 hóf Þóra störf hjá Vinnuvernd og hefur sinnt nánast öllum störfum hjúkrunarfræðings þar, ásamt því að gegna stöðu sviðstjóra heilbrigðissviðs. Þóru finnst heilsuefling á vinnustöðum skipta jafn miklu máli og lýðheilsa almennt til þess að byggja upp afkastamikinn hóp starfsmanna og minnka kostnað vegna fjarvista og veikindadaga.

Rebekka Rós Þorsteinsdóttir, 

Hjúkrunarfræðingur

Rebekka lauk B.Sc. gráðu í hjúkrunarfræði frá Háskóla Íslands árið 2002. Eftir útskrift starfaði hún á smitsjúkdóma og almennri lyflæknisdeild á  Landspítalanum í Fossvogi og öðlaðist þar dýrmæta reynslu. Síðar vann hún við heimahjúkrun og naut þess að sinna fólki í þeirra eigin umhverfi. Árið 2012 útskrifaðist Rebekka með diplómanám í svæfingahjúkrun og starfaði næstu ár á skurðstofunum í Fossvogi, þar sem hún tileinkaði sér fjölbreytta færni og fagmennsku fram til ársins 2025.

Rebekka er einnig ein af stofnendum Kyrrðarjóga og hefur haldið vinsæl námskeið í jóga nidra bæði á Landspítalanum og víðar. Hún hefur fjölbreytt réttindi sem jógakennari og nýtir þá reynslu til að stuðla að betri vellíðan og jafnvægi.

Helstu verkefni hennar hjá Vinnuvernd eru heilsufarsmælingar, bólusetningar, flugskoðanir og fræðsla. Rebekka brennur fyrir því að bæta bæði líkamlega og andlega heilsu á vinnustöðum, enda trúir hún því að vellíðan starfsfólks sé lykillinn að öflugum og heilbrigðum vinnustað.

Áslaug Kristinsdóttir,

Sviðsstjóri Sálfræði- og mannauðssviðs,

Sálfræðingur & ráðgjafi í mannauðsmálum

Áslaug útskrifaðist með cand.psych gráðu frá Háskóla Íslands árið 2007 og hefur síðan þá starfað bæði sem klínískur sálfræðingur og sérfræðingur  í vinnuvernd á sviði sálfélagslegra áhættuþátta á vinnustað. Í vinnu sinni með einstaklingum notar hún gagnreyndar aðferðir eins og ACT (Acceptance and committment therapy) og HAM (Hugræn atferlismeðferð). Verkefni Áslaugar með vinnustöðum eru fjölbreytt og má þar nefna ýmsar greiningar á innra starfsumhverfi, áhættumat á sálfélagslegum þáttum, sáttamiðlun, aðstoð vegna samskiptavanda, stuðning í kjölfar áfalla á vinnustað, fyrirlestra og námskeið,  stjórnendahandleiðslu og ýmis konar ráðgjöf. 

Áslaug lauk námi í sáttamiðlun árið 2021 og hefur sótt ýmis námskeið í tengslum við félagslegt og andlegt vinnuumhverfi. Hún hefur hlotið viðurkenningu  frá Vinnueftirlitinu sem sérfræðingur í vinnuvernd. 

​

​

Jakob Gunnlaugsson, 

Sviðsstjóri Sálfræði- og mannauðssviðs,

Sálfræðingur & ráðgjafi í mannauðsmálum

​ Jakob útskrifaðist sem sálfræðingur frá Kaupmannahafnarháskóla árið 2010 með áherslu á vinnu- og klíníska sálfræði. Hann er teymisstjóri sálfræðinga hjá Vinnuvernd og hans helstu verkefni eru að veita stjórnendum ráðgjöf og handleiðslu varðandi sálfélagslegt vinnuumhverfi á vinnustöðum, vinnustaðagreiningar og einstaklingsviðtöl. Jakob hefur hlotið viðurkenningu sem sérfræðingur í vinnuvernd.

Sigrún E. Arnardóttir, 

Sálfræðingur

Sigrún er klínískur sálfræðingur en hún lauk meistaranámi frá Háskóla Íslands árið 2019. Einnig lauk hún meistaranámi í Hagnýtri atferlisgreiningu vorið 2025. Sigrún hefur einnig lokið námi frá sáttarmiðlunarskólanum. Hún sinnir einstaklingsráðgjöf og stuðningsviðtölum hjá Vinnuvernd ásamt sáttarmiðlun. Hún hóf störf hjá Vinnuvernd árið 2020. 

Sigrún er með starfsstöð bæði á Selfossi og Reykjavík.

Ingibjörg Loftsdóttir,

Sérfræðingur í lýðheilsu og stjórnun

Ingibjörg er með EMPH gráðu í lýðheilsu og stjórnun, MSc gráðu í heilbrigðisvísindum og BSc gráðu í sjúkraþjálfun. Eftir að hafa starfað sem sjúkraþjálfari bæði hér á landi og í Bandaríkjunum í yfir 20 ár snéri hún sér alfarið að verkefnastjórnun og forvörnum. Ingibjörg stýrði verkefnum m.a. fyrir Sjálfsbjörg og HÍ og var stjórnandi hjá VIRK í tæp 11 ár þar sem hún stýrði ótal verkefnum. Hún stýrði m.a. öllu forvarnarstarfi VIRK þar með talið www.velvirk.is, vitundarvakningum (Er brjálað að gera?, Virkjum góð samskipti og Það má ekkert lengur) og þátttöku VIRK í Heilsueflandi vinnustað. Ingibjörg hefur sótt námskeið og ráðstefnur sem snúa að vellíðan í starfi árum saman og haldið fjölda fyrirlestra um málefnið m.a. hjá OECD í París. Hún situr í stjórn Stjórnvísi og er formaður Stjórnvísi faghóps um heilsueflandi vinnuumhverfi en sá hópur hefur staðið fyrir fjölda viðburða um allt sem snýr að heilsueflingu á vinnustöðum. Ingibjörg hefur lokið 6 vikna námi í Circular Economy and Sustainability Strategies hjá Cambridge Judge Business School en auk vellíðunar í starfi brennur hún fyrir umhverfisvernd.

Sigurlaug Lilja Jónasdóttir, 

Sálfræðingur & ráðgjafi í mannauðsmálum

Sigurlaug útskrifaðist með cand. psych. gráðu frá Háskóla Íslands árið 2013 og hefur síðan þá starfað sem klínískur sálfræðingur. Hún hefur unnið á bæði Geðsviði Landspítala og Heilsugæslu Höfuðborgarsvæðisins að sinna bæði einstaklings- og hópmeðferð, auk þess að hafa verið sérfræðingur og verkefnastjóri hjá VIRK starfsendurhæfingarsjóði. Hennar helstu verkefni hjá Vinnuvernd eru einstaklingsviðtöl, fyrirlestrar/námskeið og ýmiskonar ráðgjöf og handleiðsla.

Sigurlaug hefur sótt ýmis námskeið, ráðstefnur og vinnustofur tengdar andlegu- og félagslegu vinnuumhverfi.

Valgeir Sigurðsson, 

Yfirmaður þjónustusviðs & sviðsstjóri vinnuumhverfissviðs, 

Sjúkraþjálfari

Valgeir er sjúkraþjálfari að mennt og var framkvæmdastjóri Vinnuverndar frá upphafi til desember 2023.  Óhætt er að segja að Valgeir sé einn reynslumesti sérfræðingur landsins á sviði vinnuverndar en hann hefur sinnt fjölbreyttir ráðgjöf í tengslum við öryggi og heilbrigði við fjölmarga vinnustaði í yfir 20 ár. 
Í dag er rekstur og þróun Vinnuverndar ehf. megin viðfangsefnið en Valgeir kemur að einstökum ráðgjafaverkefnum með samstarfsfólki sínu. 

Ása Elísa Einarsdóttir, 

Sérfræðilæknir

​Ása Elísa er sérfræðilæknir með sérfræðimenntun í barnalækningum síðan 2001 og bráðalækningum síðan 2013. Ása Lauk einnig diplómanámi í líknalækningum árið 2021. Hún hefur starfað bæði í Noregi og Íslandi en hóf störf hjá Vinnuvernd 2018 og sinnir starfstengdri heilbrigðisþjónustu. 

Helstu áhugamál  snúa að heilsueflingu og forvörnum gegn slysum og sjúkdómum og í því samhengi umhverfisvernd almennt.

Atli Einarsson, 

Sérfræðilæknir 

Atli er sérfræðilæknir í hjartasjúkdómum en hann er einnig með réttindi sem fluglæknir (Aeromedical Examiner) og yfirlæknir fluglæknaseturs Vinnuverndar. Hann er einnig viðurkenndur sjómannalæknir hjá Samgöngustofu.
Hann hefur starfað sem ráðgefandi læknir fjölmargra fyrirtækja auk þess að sinna starfstengdum heilbrigðisskoðunum.
Atli er sinn af eigendum Vinnuverndar og setið í stjórn  frá stofnun fyrirtækisins.

Dagbjört Agnarsdóttir, 

Almennur læknir

Dagbjört hefur unnið sem læknir í Danmörku og Íslandi frá útskrift 2017. Hún hóf sérnám í geðlæknisfræði og mastersnám í personalized medicin. Hún hef unnið á geðdeild, erfða- og sameindislæknisfræðideild, myndgreiningardeildum og sem læknir á Ráðgjafar- og greiningarstöð þar sem veitt er þjónusta við fötluð börn og fjölskyldur þeirra. Dagbjört hefur m.a. reynslu af taugaþroskaröskunum, geðlæknisfræði, erfðafræði og myndgreiningu. Hún hefur áhuga á heilsusamlegum lífstíl og stundar hreyfingu. 

Guðrún G. Björnsdóttir

Sérfræðilæknir

Guðrún er sérfræðingur í bráðalækningum. Hún útskrifaðist frá Læknadeild Háskóla Íslands sem almennur læknir árið 2010 og starfaði meðal annars á geðdeild og taugalækningadeild áður en hún hóf sérnám í bráðalækningum. Hún hélt sérnámi áfram í Skotlandi frá 2016, þar sem hún starfaði meðal annars á gjörgæslu í COVID-faraldrinum. Frá 2021 hefur hún starfað sem sérfræðilæknir á Bráðamóttöku Landspítala. Guðrún gekk til liðs við Vinnuvernd árið 2024 og starfar þar við trúnaðarlækningar og almenn læknisstörf.

Fríða Guðný Birgisdóttir, 

Sérfræðilæknir

Fríða er sérfræðingur í heimilislækningum. Hún útskrifaðist frá Læknadeild Háskóla Íslands árið 2012 og byrjaði í sérnámi í heimilislækningum árið 2013. Hún hlaut sérfræðiréttindi í heimilislækningum árið 2020. Hún hefur siðan þá starfað sem heimilislæknir á heilsugæslum sem og unnið ýmis önnur störf t.d sem læknir hjá SÁÁ.

Fríða kom til liðs við Vinnuvernd árið 2025 og starfar við almenn læknastörf. 

Helgi Guðbergsson, 

Sérfræðilæknir

​ Helgi er sérfræðingur í atvinnu- og umhverfissjúkdómum og hefur starfað í Finnlandi, Svíþjóð og á Íslandi m.a. á Heilsuverndarstöðinni og hjá Vinnuvernd. Hann stundaði kennslu í heilbrigðisfræði, faraldursfræði og eiturefnafræði í HÍ um árabil. Hann vann á annan áratug við tóbaksvarnir og hefur unnið við greiningu atvinnu- og umhverfissjúkdóma, mat á tjóni af slysum og sjúklingatryggingaratvikum. Helgi hefur langa reynslu af vinnu við bólusetningar og aðra heilsuvernd vegna ferðalaga og hefur umsjón með Ferðavernd Vinnuverndar.

Ingi Karl Reynisson, 

Sérfræðilæknir

Ingi Karl útskrifaðist úr læknadeild HÍ árið 2008. Hann stundaði sérnám í lyflækningum við Háskólasjúkrahúsið í Uppsölum á árunum 2012-2016 og hefur starfað sem sérfræðingur í lyflækningum bæði á Landspítala og á sjúkrahúsinu á Akranesi síðan haustið 2016. Ingi Karl hefur unnið við trúnaðarlækningar hjá Vinnuvernd síðan 2018. 

Margrét Lára Jónsdóttir, 

Sérfræðilæknir

Margrét Lára er sérfræðingur í heimilislækningum. Á árunum 2002-2008 lagði hún stund á læknisfræði við háskólann í Óðinsvéum, Syddansk Universitet. Eftir útskrift þaðan 2008 tók við kandidatsár við Landsspítalann Háskólasjúkrahús. Haust 2009 hóf hún sérnám í heimilislækningum innan Heilsugæslu Höfuðborgarsvæðisins og hinna ýmsu sviða Landspítalans. Hún hlaut sérfræðiréttindi í heimilislækningum í ársbyrjun 2015. Frá því hefur hún starfað áfram innan Heilsugæslu Höfuðborgarsvæðisins sem og sinnt vaktþjónustu við Læknavaktina. Hún hóf störf hjá Vinnuvernd ársbyrjun 2025.

Þorvaldur Magnússon, 

Sérfræðilæknir

Þorvaldur er sérfræðilæknir með sérhæfingu sem lyflæknir og nýrnasérfræðingur ásamt því að vera með réttindi sem fluglæknir (Aeromedical Examiner)  Hann er einnig viðurkenndur sjómannalæknir hjá Samgöngustofu.
Hann hefur starfað sem ráðgefandi læknir fjölmargra fyrirtækja sem trúnaðarlæknir auk þess að sinna starfstengdum heilbrigðisskoðunum.
Þorvaldur er einn af eigendum Vinnuverndar og setið í stjórn  frá stofnun fyrirtækisins.

Magnea Einarsdóttir

Fyrrum skólastjóri á eftirlaunum

Magnea lauk kennaraprófi frá KHÍ 1990. Eftir að hafa starfað sem bæði umsjónakennari og aðstoðarskólastjóri lauk hún Diplomu í starfsmannastjórnun frá EHÍ 2005 en þaðan lá leiðinn í  Mastersnám í Mannauðsstjórnun við HÍ veturinn 2005 – 2006.

Magnea starfaði sem kennari, námsráðgjafi og félagsstarfskennari við Hólabrekkuskóla frá 1990 – 2000. Var aðstoðarskólastjóri við Hólabrekkuskóla frá 2000 – 2006. Var skólastjóri í Digranesskóla 2006 – 2009, í Álfhólsskóla 2009 – 2010 og í Snælandsskóla 2011 – 2023.

Áhugamálin eru heimilið, fjölskyldan, góð vinátta, skíði og almenn útivist. Samhliða vinnu hefur hún setið í stjórnum tengdum íþrótta- og félagsstarfi og má þar einna helst nefnda stjórn íþróttafélagsins Gerplu og Fimleikasambands Íslands.

​

Anna María Helgadóttir,

Móttökustjóri og bókhald

Anna María er andlit Vinnuverndar ef svo má að orði komast. Hún sér um allt er viðkemur móttöku okkar og má þar meðal annars nefna samskipti við viðskiptavini, tímabókanir, móttöku viðskiptavina ásamt mörgum öðrum verkefnum.  

Anna María hefur margra ára reynslu úr bankageiranum en hún starfaði í ráðgjöf þar áður en hún hóf störf hjá Vinnuvernd vorið 2023. 

Gunnhildur Valgeirsdóttir, 

Aðalbókari / Kerfisfræðingur

Gunnhildur er aðalbókari hjá Vinnuvernd, hún sér um laun, reikninga og fleira tengdu bókhaldi fyrirtækisins auk ýmisa tæknilegra lausna. Hefur unnið við innleiðingu viðskiptalausna og kennslu þeirra um langa hríð.

Jóhanna Úlla Káradóttir

Móttaka

Áður en Jóhanna hóf störf hjá Vinnuvernd starfaði hún í 8 ár sem móttökuritari á lækna- og sálfræðistofu. Þar sinnti hún meðal annars móttöku skjólstæðinga, tímabókunum, símsvörun og almennri skrifstofuþjónustu. Starfið veitti henni dýrmæta reynslu af þjónustu, samskiptum og skipulagi í krefjandi og trúnaðarsömu starfsumhverfi.