Skip to Content

EKKO - Ráðgjöf og vöktun

Einelti, kynferðisleg áreitni, kynbundin áreitni og ofbeldi á vinnustað


Skammstöfunin EKKO stendur fyrir einelti, kynferðisleg áreitni, kynbundin áreitni og ofbeldi og ber vinnustöðum að hafa aðgerðaráætlun sem tekur á EKKO-málum með skýrum hætti.

Stefna og viðbragðsáætlun gegn EKKO: Sálfræðiteymi Vinnuverndar býður fyrirtækjum aðstoð við gerð viðbragðsáætlana gegn einelti, kynferðislegri áreitni, kynbundinni áreitni og ofbeldi á vinnustað (EKKO). Samkvæmt 65. gr. laga nr. 46/1980 ber atvinnurekendum skylda til þess að gera skriflega áætlun um öryggi og heilbrigði á vinnustað. Því er mikilvægt að slík áætlun sé til, að hún sé uppfærð reglulega og að hún sé aðgengileg starfsfólki.

EKKO vöktun: Að upplifa neikvæða og/eða niðurlægjandi framkomu á vinnustað er flestum mjög þungbært og mörgum finnst erfitt að setja mörk í samskiptum eða láta vita af hegðuninni.

Vinnuvernd býður fyrirtækjum upp á þjónustu sem kallast EKKO vöktun og er í höndum sálfræðiteymisins. EKKO vöktun er sérstök tilkynningagátt þar sem starfsfólk getur viðrað upplifun sína af óæskilegri framkomu hjá óháðum og hlutlausum aðila. Sálfræðingur vaktar tilkynningagáttina og hefur samband við starfsmanninn og býður honum í viðtal. Í viðtalinu er hlustað á upplifun starfsmanns, farið yfir skilgreiningar á EKKO, veittur stuðningur og tekið samtal um mögulegar leiðir sem starfsmaður getur farið í kjölfarið út frá viðbragðsáætlun vinnustaðarins. Sálfræðingur tekur ekki ákvörðun fyrir starfsmann hvaða leið hann vilji fara með kvörtun sína. Mikilvægt er að starfsmaður geri það sjálfur og treysti sér til að gera það eftir samtal við sálfræðing.



SENDA FYRIRSPURN   

Önnur sálfræði og mannauðsþjónusta:

Sálfræðiviðtöl

Vinnustaðir eru nú í auknum mæli að bjóða starfsfólki upp á stuðning og ráðgjöf hjá sálfræðingi til að bæta líðan sína. Vinnuvernd býður upp á einstaklingsviðtöl fyrir starfsfólk fyrirtækja sem eru í samningsþjónustu. 

LESA MEIRA  

Mannauðsráðgjöf

Sálfræðiteymi Vinnuverndar býður upp á fjölbreytta þjónustu og ráðgjöf til fyrirtækja, stofnanna og sveitarfélaga um þá þætti í vinnuumhverfi sem snúa að félagslegum og andlegum áhættuþáttum. 

Má þar á meðal nefna:

  • Vinnustaðagreining á félagslegum og andlegum áhættuþáttum í vinnuumhverfi
  • EKKO ráðgjöf og vöktun
  • Ráðgjöf er varða samskipti og gerð samskiptasáttmála
  • Sáttamiðlun
  • Sálrænn stuðning
  • Önnur mannauðsráðgjöf

LESA MEIRA

Fræðsla og námskeið

Fræðsla er mikilvægur liður í forvarnarstarfi vinnustaða. Hún getur eflt jákvætt samstarf, stuðlað að aukinni velliðan starfsfólks og opnað á ýmsar umræður innan starfshópsins.

Meðal vinsælustu erinda okkar eru:

  • Jákvæð samskipti á vinnustað
  • Mín leið við streitu
  • Samskipti á vinnustað: Einelti, áreitni og ofbeldi (EKKO)
  • Kulnun í starfi
  • Að mæta erfiðri hegðun
  • Andleg heilsa og grunnstoðirnar fimm
  • Breytingastjórnun
  • Verkefnastjórnun

LESA MEIRA



Handleiðsla

Vinnuvernd býður einnig upp á handleiðslu sálfræðings fyrir stjórnendur eða stjórnendahópa. Handleiðslan hefur þann tilgang að styrkja stjórnendur og/eða hópinn í að takast á við ýmsar áskoranir og erfiðleika í starfi.  

LESA MEIRA  

Sálfræðingar​

Sálfræðingar

Eftirfarandi sálfræðingar okkar sinna sálfræðiviðtölum og handleiðslu, hér gefst þér tækifæri að að kynnast þeim örlítið betur. 

​

Áslaug Kristinsdóttir,

Sálfræðingur og ráðgjafi í mannauðsmálum

Áslaug útskrifaðist frá Háskóla Íslands með cand.psych. gráðu árið 2007 og hefur síðan þá veitt stjórnendum fyrirtækja ráðgjöf og handleiðslu varðandi félagslega og andlega áhættuþætti á vinnustað. Helstu viðfangsefni eru greiningar á starfsumhverfi, sáttamiðlun, ráðgjöf vegna samskiptavanda, stjórnendahandleiðsla, fyrirlestrar/námskeið og einstaklingsstuðningur. Ásamt því hefur hún sinnt klínískri meðferð einstaklinga.Áslaug hefur hlotið viðurkenningu sem sérfræðingur í vinnuvernd, sótt ýmis námskeið og vinnustofur tengdu félagsleg og andlegu vinnuumhverfi og lokið námi í sáttamiðlun.

Jakob Gunnlaugsson, 

Sálfræðingur og ráðgjafi í mannauðsmálum

​Jakob útskrifaðist sem sálfræðingur frá Kaupmannahafnarháskóla árið 2010 með áherslu á vinnu- og klíníska sálfræði. Hann er teymisstjóri sálfræðinga hjá Vinnuvernd og hans helstu verkefni eru að veita stjórnendum ráðgjöf og handleiðslu varðandi sálfélagslegt vinnuumhverfi á vinnustöðum, vinnustaðagreiningar og einstaklingsviðtöl. Jakob hefur hlotið viðurkenningu sem sérfræðingur í vinnuvernd. 

​

Sigrún E. Arnardóttir, 

Sálfræðingur

Sigrún er klínískur sálfræðingur en hún lauk meistaranámi frá Háskóla Íslands árið 2019. Hún sinnir einstaklingsráðgjöf og stuðningsviðtölum hjá Vinnuvernd ásamt sáttarmiðlun. Hún hóf störf hjá Vinnuvernd árið 2020. Sigrún hefur einnig lokið námi frá sáttarmiðlunarskólanum. 

Sigrún er með starfsstöð bæði á Selfossi og Reykjavík.

​

Sigurlaug Lilja Jónasdóttir, 

Sálfræðingur og ráðgjafi í mannauðsmálum

Sigurlaug útskrifaðist með cand. psych. gráðu frá Háskóla Íslands árið 2013 og hefur síðan þá starfað sem klínískur sálfræðingur. Hún hefur unnið á bæði Geðsviði Landspítala og Heilsugæslu Höfuðborgarsvæðisins að sinna bæði einstaklings- og hópmeðferð, auk þess að hafa verið sérfræðingur og verkefnastjóri hjá VIRK starfsendurhæfingarsjóði. Hennar helstu verkefni hjá Vinnuvernd eru einstaklingsviðtöl, fyrirlestrar/námskeið og ýmiskonar ráðgjöf og handleiðsla.

Sigurlaug hefur sótt ýmis námskeið, ráðstefnur og vinnustofur tengdar andlegu- og félagslegu vinnuumhverfi.


​